Alimentos Funcionais, Nutrición e Saúde
SaúdePartindo das necesidades detectadas na reunión mantida o pasado ano as prioridades detectadas neste grupo foron as seguintes:
  • Valorización dos produtos e alimentos a través da incorporación de novos ingredintes funcionais.
  • Interese no novo marco legal do alimento funcional relativo á regulamentación europea de alegacións nutricionais e propiedades saudables (Regulamento (CE) 1924/2006 do Parlamento Europeo e do Consello de 20 de decembro de 2006).
  • Valorización de compoñentes dos subprodutos ou residuos agroalimentarios para a obtención de novos ingredintes funcionais ou para a súa utilización para o deseño de novos alimentos funcionais.
O grupo propón realizar un mapa de servizos, avances e tendencias no campo de alimentos funcionais que inclúa:
  • Alimentos funcionais naturais (materia prima).
  • Alimentos funcionais procesados, aos que se lle engaden, ou eliminan ou incrementan algún dos seus compoñentes/ingredintes ou ben se substitúe un compoñente por outro.
  • Alimento ao que se lle modifica un ou máis dos seus compoñentes, a través da enxeñaría xenética, (materia prima) para aumentar as súas características funcionais.
  • Alimento ao que se lle modificou a biodispoñibilidade dun ou máis dos seus compoñentes.


Ademais, como se puxo de manifesto o pasado ano as colaboracións entre os grupos deben ser estreitas, especialmente co grupo de valorización.

Os obxectivos do grupo son:

  • Concretar as liñas de acción a levar a cabo neste campo.
  • Promover, apoiar e asesorar a elaboración proxectos de Investigación, Desenvolvemento e Innovación (I+D+I) colaborativos tanto a nivel autonómico, nacional coma internacional.
  • Promover un sistema de participación no grupo de traballo .
  • Promover a difusión de resultados de investigación, noticias e normativas relacionadas cos alimentos funcionais de interese para o sector galego.
Algúns exempos recollidos na AEI (Axenda Estratéxica de Investigación):

  • Alimentos funcionais saudables e novos alimentos, biodispoñibilidade de constituíntes de interese en alimentos, así coma do seu metabolismo.
  • Avaliación do impacto dos programas de formación e comunicación nutricional sobre os hábitos alimentarios.
  • Definir as bases da cultura gastronómica tradicional galega, en particular a dieta atlántica e o consumo de peixe, e o seu potencial beneficio sobre a saúde.

INTEGRANTES DO GRUPO DE TRABALLO

Grupo de Traballo 2012 FUNCIONAIS NUTRICIÓN E SAÚDE: ESTRUTURA, LÍDER E LIÑAS
Relanzamento G.T Funcionais-Saúde e Procesado-Envasado -2012