Programa Intelligent Energy Europe (IEE)-CIP

 A Oficina de Programas Internacionais de I+D+i infórmanos da apertura da convocatoria 2012 do Programa Intelligent Energy Europe (IEE) encadrado dentro do CIP (Competitiveness and Innovation Programme), que abriu o pasado día 20.

O Programa IEE pretende acelerar as accións en relación coa estratexia e os obxectivos comunitarios acordados no eido da enerxía sostible, fomentando os investimentos en tecnoloxías novas e máis rendibles e o aumento da eficiencia e a diversificación enerxética. IEE financiará actividades tales como a capacitación; creación e difusión de know-how e métodos; intercambio de experiencias; desenvolvemento do mercado; aportacións a políticas enerxéticas; concienciación, información e formación. Non financiará proxectos de I+D.

  • Áreas temáticas
  1. SAVE: Eficiencia enerxética e uso racional da enerxía
  2. ALTENER: Fontes de enerxía novas e renovables
  3. STEER: Enerxía no transporte
  4. Accións integradas
  • Data de peche: 8 de maio de 2012 ás 17:00 (hora local de Bruxelas). Excepción: Iniciativa “Build Up Skills” (dentro das "Accións integradas"), que pecha o 9 de febreiro para as accións do Pilar I, e 30 de abril para as accións do Pilar II
  • Orzamento: 67 millóns de euros
  • Porcentaxe de financiamento: ata o 75% dos custos do proxecto. Excepción: para accións do Pilar I da Iniciativa “Build Up Skills” poderase chegar ata o 90% dos custos subvencionables do proxecto.
  • Consorcio: Como mínimo, 3 entidades establecidas en 3 países elixibles diferentes.
  • Duración: máximo 3 anos.
  • Orzamento habitual: entre 0.5-2 millóns de euros
  • Ligazón á Web da convocatoria
  • Infoday: Terá lugar o vindeiro 24 de xaneiro en Bruxelas. Xa está aberta a inscrición no seguinte enderezo http://ec.europa.eu/energy/intelligent/events/2012/european-info-day_en.htm

 

Outra Información Relacionada

IEE Project Development Workshop-CIP-IEE-2012

Infoday CIP-IEE-2012-Xaneiro Consultar presentación